მუნიციპალიტეტი მართვის ოპტიმიზაციისათვის დაყოფილია ადმინისტრაციულ ერთეულებად.

სიღნაღის მუნიციპალიტეტის შემადგენლობაში შედის 2 ქალაქი, 12 ტერიტორიული ორგანო და 18 სოფელი. სიღნაღის მუნიციპალიტეტის სოფლები ერთიანდებიან ანაგის, ბოდბის, ბოდბისხევის, ვაქირის, ილიაწმინდის, მაღაროს, ნუკრიანის, საქობოს, ტიბაანის, ქვემო მაჩხაანის, ძველი ანაგისა და ჯუგაანის ადმინისტრაციულ ერთეულებში.

სიღნაღის მუნიციპალიტეტის ფართობია 1251 კმ² და 2014 წლის აღწერის მიხედვით მოსახლეობის რაოდენობა შეადგენს 29 948 კაცს, ხოლო სიმჭიდროვეა 23,9 კაცი. მუნიციპალიტეტის ცენტრია ქალაქი სიღნაღი. 2014 წლის აღწერის მიხედვით მუნიციპალიტეტის ყველაზე დიდი სოფელი მოსახლეობის მიხედვით არის ბოდბისხევი (2665 ადამიანი), სიღნაღიდან ყველაზე დიდი მანძილით დაშორებულია სოფელი ერისიმედი (65 კმ.).